Den beste delen av den beste byen, spør du meg. Det er her byen som aldri søv viser seg frå si beste side, full av koselige kafear, store leikeplassar og varme framande. Legg frå deg din indre nordmann og småprat med folk du møter for å få dei aller beste tipsa og opplev byen som ein lokal. Nokre av desse Brooklyn-høgdepunkta har eg oppdaga nettopp gjennom tips frå lokale. Her kjem også nokre tips til kva ein kan gjere dersom ein vågar seg ut av Brooklyn!
Speedy Romeos
Ein av dei beste pizzane eg har smakt, kom frå Speedy Romeos. Spennande smakar, nøye samansett og gjennomtenkt, og deilig atmosfære har gjort denne til ein favoritt blant mange, inkludert jentene i HBO-serien Girls, som har denne som stamplass.
Clementine Bakery
Etter å ha spist middag på Speedy, anbefalar eg å springe over gata til Clementine for dessert. Kunstnerisk utførte cupcakes, deilig bakverk, og ein stor meny med noko for ein kvar smak, gjer at det nesten alltid er kø her, men det er det verdt! Alt her er vegansk, og dei har også mykje glutenfritt, så her er det noko for dei fleste!
Stonefruit Espresso
Ein plass som kombinerar plantebutikk og kafe resulterar i ein skikkelig bra hangout-spot. Dei har skikkelig god kaffe(sånn skikkelig god), og massevis av deilig mat. Alt er vegetar, og dei har også ein del som er vegansk. I tillegg er utvalget av glutenfritt bra også her.
Robertas
Spør sånn cirka kven som helst du møter på i Bushwick-området om kor du skal ete, og dei vil anbefale deg å gå på Robertas. Denne perla av ein pizzaplass er lett å oversjå, då inngangsdøra går veldig i ett med omgivnadane og ikkje viser tydeleg at det er ein restaurant der i det heile, men bak døra gøymer det seg store både inne-og uteområder. Du vil ikkje gå glipp av denne!
Chilos
Her får du servert taco. Men hvis du trur det liknar fredagstacoen du er vant til heime, tek du feil. Blant dei spennande alternativa på menyen finn du mellom anna kaktus-taco, og den er verdt eit forsøk. Er det fint vær, sett deg ut i bakgården og bestill maten frå ein foodtruck som står parkert der permanent, og prøv deg på ein av dei mange gode drinkane deira - det er nemlig eigentleg ein bar meir enn ein restaurant. Chilos lagar så bra taco at det er avhengigheitsskapande. Så er du advart.
Dough
Sinnsjukt gode Doughnuts. Need I say more? Koselig lita sjappe som spesialiserar seg på doughnuts og har eit stort utvalg smakar, frå den klassiske glaserte til lemon poppyseed, hibiscus, og min personlige favoritt - sjokolade. Verdt kvar einaste kalori, og køa som nesten alltid er lang - av ein grunn.
Sauvage
Etter ei lenger shoppingrunde i bruktbutikkmekkaet som er Williamsburg, er Sauvage perfekt for digg brunsj. Kult interiør, god, klassisk meny med spennande tvistar, og forfriskande cocktails(det er alltid happy hour ein eller anna plass, sant). Tipp topp, rett og slett.
Beacons Closet
Beacons Closet finn du fleire stadar, og lokala er proppfulle av vintage-skattar. Eg anbefalar å sette av god tid, så du rekk å bla komme deg gjennom butikken! Butikkane har noko for ein kvar smak, så det er ikkje sikkert du finn det ultimate brukt-kjøpet med ein gong, men eg kan garantere at du finn noko der hvis du berre leitar! Min personlige favoritt blant butikkane der er den som ligg i Williamsburg.
Awoke Vintage
Williamsburg er reine bruktbutikkmekka. Her finn du nemlig også Awoke Vintage. Dette er blant dei mindre bruktbutikkane, og prisane er noko stivare, men til gjengjeld er alt nøye utvalgt, slik at du slepp å leite like mykje for å finne noko du har lyst til å ta med heim!
Greenlight Bookstore
Eg reiser ikkje til New York utan å gå innom Greenlight. Ein liten, sjølvstendig bokhandel i Fort Greene, oppkalla etter The Great Gatsby. Med stort utvalg bøker for folk i alle aldrar, er dette ein stad som er lett å drøyme seg vekk i.
Strand Bookstore
Ingenting kan samanliknast med Strand Bookstore. Det er ein gigantisk bokhandel, plassert rett ved Union Square på Manhattan. Dette er først og fremst ein Brooklyn-guide, men Strand er faktisk verdt turen over brua! Du får etasje på etasje med bøker i alle sjangrar, og på fleire ulike språk. Betre blir det ikkje.
Brooklyn Childrens Museum
Altså, dette er enkelt og greitt definisjonen på paradis for alle under ti år. Her er alt - leikerom for barn i alle aldrar og med alle interesser. Eg anbefalar å vere ein vaksen per unge, for det er ganske kaotisk, men vel verdt det. I alle fall for ungane sin del, som ikkje kjem til å klare å slutte å snakke om det.
Brooklyn Botanic Garden - Discovery Garden
Heile Botanisk hage er verd eit besøk for, for å sleppe unna byens mas, men om du reiser med barn, må du innom Discovery Garden. Her er aktivitetar skreddarsydd for å lære barn om naturen og om planter og dyr som er å finne i og rundt New York. Det einaste problemet er å få ungane med vidare når de skal gå, for dei elskar det!
Coney Island
Coney Island er ikonisk, og gøy uansett alder! Berre å gå rundt og sjå på spetakkelet er underholdning nok i seg sjølv, men der er også mellom anna badestrand, fornøyelsespark og rekke på rad med mat-boder!
New York Aquarium
Utrulig bra akvarium, som er veldig flinke på å vise fram og lære om livet utanfor nord-austkysten av USA. Dei har også stort fokus på informasjon om marin forsøpling retta mot barn. Dette ligg også på Coney Island.
Governors Island Ta ferja over frå nedre del av Manhattan og over til Governors Island for ei pause frå støyen og maset byen, og for skikkelig fin utsikt over den kjente skylinen! Et perfekt formiddagsavbrekk på ein finværsdag.
